राप्रपा जनप्रदर्शन- आन्दोलनकारी नआउँदै बल्खुमा सुरक्षाकर्मीको घुइँचो

राष्ट्रिय प्रजातन्त्र पार्टीले आयोजना गरेको जन प्रदर्शनमा सरकारले कडा सुरक्षा प्रबन्ध गरेको छ । हजारौँ संख्यामा सशस्त्र र नेपाल प्रहरी बल्खु र आसपासका क्षेत्रमा खटिएका छन् ।

राप्रपाले गर्ने आमसभाको सुरसार नहुँदै सुरक्षा परिचालन गरिएको हो । राप्रपा कार्यकर्ताहरू स्टेजको निर्माण र व्यवस्थापनमा जुटिरहेका छन् । पार्टीका नेताहरूको इन्ट्री भएको छैन । एकाध भारतीय मिडिया पनि आन्दोलनको रिपोर्टिङ गर्न आएका छन् ।

राप्रपाले गर्ने आन्दोलनलाई संयुक्त जनआन्दोलन समितिले समर्थन जनाएको छ । यस्तै, दुर्गा प्रसाईँको अभियानबाट पनि साथ र समर्थन हुने भनिएपछि सुरक्षा निकाय चनाखो बनेको बुझिएको छ ।