अर्घाखाँचीमा जिप दुर्घटना हुँदा २ जनाको मृत्यु

बुटवल । अर्घाखाँचीमा जिप दुर्घटना हुँदा दुई जनाको मृत्यु भएको छ ।

आज बिहान मालारानी गाउँपालिका–३ लुटीपोखरी–खनदहको भित्री सडकखण्डमा दुर्घटना हुँदा यात्रु बालकृष्ण रिजाल र चालक दिलिप खनालको मृत्यु भएको हो । घटनामा परी दुई जना घाइते भएको प्रहरी जनाएको छ ।

मालारानीको लुटीपोखरीबाट खनदहतर्फ जाँदै गरेको लु २ च २९९० नम्बरको सिङ्गल क्याब जिप अनियन्त्रित भई दुर्घटना भएको प्रहरीले जनाएको छ ।