तीनकुने घटनामा घरको छतमा सुरक्षाकर्मी नरहेको प्रहरी प्रवक्ताको दाबी

काठमाडौं—नेपाल प्रहरीले गत शुक्रबार दुर्गा प्रसाईं र नवराज सुवेदी नेतृत्वको राजावादी समूहले गरेको प्रदर्शनमा भएको हिंसाका क्रममा कुनै पनि घरको छतमा सुरक्षाकर्मी नचढेको जनाएको छ ।

प्रहरी प्रवक्ता एवम् डीआईजी दिनेशकुमार आचार्यले बुधबार पत्रकार सम्मेलन गर्दै तीनकुनेका कुनै पनि घरको छतमा पसेर टियर ग्यास नहानिएको जवाफ दिएका हुन् । शुक्रबारको प्रदर्शन हिंसात्मक हुनुको मुख्य कारण नै दुर्गा प्रसाईं भएको आचार्यले बताएका छन् ।

डीआईजी आचार्यले पत्रकार सुरेश रजक थुनिएको तीनकुनेस्थित मार्बल हाउसमा राजावादीले दमकल समयमै पुग्न नदिँदा बचाउन नसकिएको उल्लेख गरे ।