Sayapatri Media Pvt. Ltd.
Reg. No. : 885/075-76
Publisher: Ang Kaji Sherpa
Editor: Laxmi Raj Bhandari
Office: Chabahil - 7, KL Tower 5th floor
Phone: 01-4587728
CMO (Anjan shrestha): 9843335555
Admin: Info@yohokhabar.com
News: yohokhabar.com@gmail.com

Breaking

देउवासहित ७ सांसद १० भन्दा बढी बैठकमा अनुपस्थित


काठमाडौं—सङ्घीय संसद्को हिउँदे अधिवेशन आजदेखि अन्त्य भएको छ । हिउँदे अधिवेशनको अन्तिम बैठकमा सभामुख घिमिरेले सभामा १० पटक वा त्योभन्दा धेरै पटक अनुपस्थित हुने सांसदहरूको नाम सार्वजनिक गर्नुभयो ।

धेरै अनुपस्थित हुनेमा नेपाली कांग्रेसका सभापति शेरबहादुर देउवा पनि हुनुहुन्छ । उहाँसहित सात जना सांसद १० भन्दा बढी बैठकमा अनुपस्थित हुनुभयो । सबैभन्दा धेरै अनुपस्थित हुनेमा नेपाली कांग्रेसकी सांसद मनोरमा शेरचन रहनुभएको छ । शेरचन २७ बैठकमा अनुपस्थित रहेको सभामुख घिमिरेले जानकारी गराउनुभयो ।

सभामुख घिमिरेका अनुसार प्रतिनिधिसभा सदस्यहरू लीलादेवी बोखिम लिम्बू १४ दिन, सरस्वती बजिमय ११ दिन, रमेश रिजाल १२ दिन, दीपक बोहरा २१ दिन, शेरबहादुर देउवा ११ दिन र गीता बस्नेत २७ दिन बैठकमा अनपुस्थित रहेका छन् । संसदमा गयल हुने सांसदहरूमध्ये कोही स्वास्थ्य उपचार गराइरहेको र कोही विदेश भ्रमणमा रहेको सभामुखले उल्लेख गर्नुभयो ।

प्रतिनिधिसभाको आजको बैठकले सांसदहरूको बिदा स्वीकृत गरेको छ । गएको माघ १८ गतेदेखि शुरू भएको हिउँदे अधिवेशन आजदेखि अन्त्य भएको हो ।