युठानमा दम्पती हत्याको आरोपमा एक जना पक्राउ

प्युठानमा दम्पतीहत्याको आरोपमा एक जनालाई प्रहरीले पक्राउ गरेको छ ।

पक्राउ पर्नेमा माण्डवी गाउँपालिका–२ रातापानीका ३४ वर्षीय पंकज परियार छन् । उनै पंकजले रातापानीकै ६० वर्षीय रामबहादुर परियार र उनकी श्रीमती हुकुमा परियारको हत्या गरेको पाइएको जिल्ला प्रहरी कार्यालय प्युठानले जनाएको छ ।

हत्या आरोपमा पक्राउ परेका पंकज मृतक दम्पतीका दाइको छोरा रहेको प्रहरीले जनाएको छ । मृतक परियार दम्पतीकाचार छोराहरू रहेकोमा सबै जना वैदेशिक रोजगारीमा भारतका रहेका छन् ।

तीन छोरीहरू पनि विवाह गरेर दाङमा बस्दै आएका छन् । घरमा परियार दम्पती मात्रै बस्दै आएका थिए।।