काठमाडौं । राष्ट्रिय प्रजातन्त्र पार्टी (राप्रपा)को केन्द्रीय कार्यसमिति बैठक आज सकिँदै छ ।
काठमाडौँको धुम्बाराहीस्थित एक बैंन्क्वेटमा गत शुक्रबार सुरु भएको बैठक एक दिन लम्बिएको हो । बैठकमा सदस्यहरूले धारणा राख्ने क्रम नसकिएपछि लम्बिएको प्रवक्ता मोहन श्रेष्ठले जानकारी दिए ।
बैठक आज समापन गर्ने तयारी रहेको उनले बताए । जारी बैठकमा पछिल्लो समसामयिक राजनीति, पार्टीको आन्तरिक र सांगठनिक परिस्थिति, वैशाख मसान्तसम्ममा सबै जिल्ला अधिवेशन गर्ने लगायतका विषयमा छलफल भइरहेको छ ।
अध्यक्ष राजेन्द्र लिङदेनले प्रस्तुत गरेको भावी राजनीतिक दिशासहित सांगठनिक अवस्था र जिल्ला अधिवेशनहरू बारेमा नेताहरूले आ–आफ्नो धारणा राखिरहेका छन् ।
जारी बैठकमा महामन्त्री धवलशम्शेर राणाले प्रस्तुत दस्तावेजमा केन्दीय सदस्यहरुले चर्को आलोचना गरेका थिए ।
प्रतिक्रिया