काठमाडौं । प्रमुख सत्तारुढ दल नेपाली कांग्रेसको संसदीय दलको बैठक आज बस्दैछ ।
सिंहदरबारस्थित संसदीय दलको कार्यालयमा दिउँसो २ बजेसुरु हुने प्रमुख सचेतक श्याम घिमिरेले जानकारी दिए । बैठकमा संसद्को हिउँदे अधिवेशनबारे छलफल हुनेछ ।
बैठकमा संसदमा दर्ता भएका विधेयक, अध्यादेश लगायतबारे संसदीय दलको एकै धारणा तय गर्ने उनले बताए । यही माघ १८ गते संघीय संसद्को अधिवेशन सुरु हुँदैछ ।
संसद् अधिवेशन बोलाउन सिफारिस गर्नु केही दिनअघि सरकारले ६ वटा अध्यादेश ल्याएको थियो । संसद् अधिवेशन छलेर सरकारले अध्यादेश ल्याएको भन्दै कांग्रेस वृत्तबाटसमेत आलोचना भइरहेको छ ।
प्रतिक्रिया