आशिका तामाङ पक्राउ

काठमाडौँ । आफूलाई सामाजिक अभियन्ता बताउने आशिका तामाङलाई प्रहरीले नियन्त्रणमा लिएको छ ।

आजदिउँसो काठमाडौंको गौशालाबाट तामाङलाई प्रहरीले नियन्त्रणमा लिएको जिल्ला प्रहरी परिसर काठमाडौंका सूचना अधिकारी एसपी नवराज अधिकारीले जानकारी दिए ।

एसपी अधिकारीका अनुसार सुरक्षाकर्मीलाई अभद्र व्यवहार गरेको आरोपमा अनुसन्धानका लागि उनलाई नियन्त्रणमा लिइएको हो ।

प्रहरीले थप विवरण सार्वजनिक नगरे पनि पछिल्लो समय उनले अभियन्ताका रूपमा प्रहरीलाई समेत अभद्र शैलीमा प्रश्नउत्तर गरेका भिडियोहरू सार्वजनिक भएका थिए ।