फिलिपिन्सको राजधानीमा आगलागी हुँदा ५ को मृत्यु

काठमाडौं — फिलिपिन्सको राजधानीमा शनिबार बिहान भएको एक आवासीय आगलागीमा पाँच जनाको मृत्यु भएको छ ।स्थानीय समय अनुसार बिहान ७ः१४ बजे सुरु भएको आगलागीले नाभोटास सहरको एउटा घर ४० मिनेटभन्दा कम समयमै ध्वस्त पारेको र त्यसमा ४१ वर्षीय महिला र १७ वर्षका चार युवतीसहित पाँच जनाको मृत्यु भएको हो । घाइतेहरूलाई स्थानीय अस्पतालमा लगिएको थियो । आगलागीको कारणबारे अग्निनियन्त्रकहरूले अनुसन्धान गरिरहेका छन् ।