काठमाडौं — नेपाल प्रिमियर लिग (एनपिएल) मा कर्णाली याक्सले पोखरा एभेन्जर्समाथि ७ विकेटको सहज जित निकालेको छ। पाँच खेलमा कर्णालीको यो तेस्रो जित हो। पोखरा भने चार मध्ये तीन खेलमा पराजित भइसकेको छ। पोखराले दिएको १०४ रनको लक्ष्य कर्णालीले १५ ओभरमा ३ विकेटको क्षतिमा पूरा ग¥यो। कर्णालीको जितमा गुल्सन झाले नटआउट ४९ रन जोडे। एक रनले अर्धशतकबाट विमुख भएका उनले ३७ बलमा ३ चौका र ४ छक्का प्रहार गरे।
त्यसअघि कर्णालीका ओपनर भने चल्न सकेनन्। देव खनाल शून्य र बाबर हायत ७ रनमा आउट भए। देवलाई विपिन खत्रीले एलबिडब्लूको धरापमा परे। बाबरलाई सागर ढकालले बोल्ड गरे। चाडविक वाल्टनले ३४ बलमा ४२ रन जोडे। कीर्तिपुरस्थित त्रिवि मैदानमा दिनको दोस्रो खेलमा टस जितेर पहिले ब्याटिङ गरेको पोखरालाई कर्णालीले अस्ट्रेलियन अलराउन्डर विलियम बोसिस्टो एक्लैले ६ विकेट लिएपछि १६.४ ओभरमै अलआउट ग¥यो।
प्रतिक्रिया