प्रधानमन्त्री ओलीले राम्रो काम गर्दै हुनुहुन्छ , झुट बोल्ने कुरा छैन : देउवा

सत्तारुढ दल नेपाली कांग्रेसका सभापति शेरबहादुर देउवाले वर्तमान सरकारको नेतृत्वले राम्रो काम गरिरहेको बताएका छन् । सभापति देउवाले कोशी प्रदेश सम्मेलनमा प्रधानमन्त्री केपी शर्मा ओलीको नाम लिदै ओली नेतृत्वको सरकारले राम्रो काम गरेको दाबी गरेका हुन् । कोशी प्रदेश सम्मेलनमा सम्बोधनका क्रममा देउवाले आफूले झुट नबोल्ने समेत बताए । कांग्रेस–एमालेको गठबन्धन स्थायित्वका लागि बनेको दाबी गर्दै उनले प्रधानमन्त्रीले सबै काम राम्रो गरेको दाबी गरेका हुन् ।

उनले प्रधानमन्त्री केपी शर्मा ओलीले चीन भ्रमणमा निकै महत्त्वपूर्ण काम गरेर आएको पनि बताए । चीन भ्रमणका क्रममा भएको सम्झौताका विषयमा प्रधानमन्त्री ओलीलाई बधाई ज्ञापन पनि गरे । स्थायित्वका लागि एमालेसँग मिलेर सरकार बनाउनु परेको उल्लेख गर्दै देउवाले दुई पार्टी मिल्दा देशमा स्थायित्व आउने दाबी समेत गरेका छन् ।