क्यानडाका प्रधानमन्त्री जस्टिन ट्रुडो अमेरिकाका नवनिर्वाचित राष्ट्रपति डोनाल्ड ट्रम्पलाई भेट्न फ्लोरिडा पुगेका छन्।
नवनिर्वाचि राष्ट्रपति ट्रम्पले क्यानडाका उत्पादनमा २५ प्रतिशत कर लगाउने घोषणा गरेलगत्तै ट्रुडो ट्रम्पसँग भेटवार्ताका लागि अमेरिका पुगेको हो । शुक्रवार साँझ फ्लोरिडाको पाम बिच इन्टरनेसनल एयरपोर्टमा अवतरण गरेको क्यानाडाली प्रधानमन्त्री ट्रुडो ट्रम्पलाई भेट्न उनको घर अर्थात् मार–ए–लागो एस्टेट जाने जनाएको छ ।
ट्रम्पले जनवरी २० मा आफूले राष्ट्रपतिको पदभार ग्रहण गरेपछि मेक्सिको र क्यानडाबाट अमेरिकामा आउने सबै उत्पादनमा उच्च कर लगाउने घोषणा गरेका थिए ।
ट्रुडो र ट्रम्प भेटवार्ता हुन लागेको बारे दुवै पक्षले कुनै औपचारिक जानकारी भने दिइएको छैन ।
प्रतिक्रिया