प्रदीप राईको “रगतको नाता” सार्वजनिक

काठमाडौँ – “खोटाङ प्रतिभा-२०८० फस्ट रनर अप” बनेका गायक प्रदीप राईको स्वरमा “रगतको नाता” बोलको गीत सार्वजनिक भएको छ।

उक्त गीतमा निश्चल पि. एसको शब्द, गायक तथा संगीतकार दिपक लिम्बुको संगीत संयोजन साथै राजु कार्कीको एरेन्ज रहेको छ ।
‘किङ रेकर्डिङ स्टुडियो’मा रेकर्ड गरिएको उक्त गीतलाई सुरेश राईले रेकर्ड गरेका हुन् । गीत दिपक लिम्बुको युटुब च्यानलमा सार्वजनिक गरिएको छ।

खोटाङ कलाकार समाजद्वारा आयोजित “खोटाङ प्रतिभा-०८०”को ‘फास्ट रनर अप’ उपाधी जितेका राईले यस अघि पहिलो गीतको रूपमा “साप्सुको छल्को” बोलको गीतमा उनकै भतिजी वर्षा राईसङ्ग पनि स्वर भरिसकेका छन् । जसमा स्वर्णिम सुदिप राईको शब्द, स्वर्गीय गायक तथा संगीतकार जनम थुलुङको संगीत र राजु कार्की कै एरेन्ज रहेको छ।