काठमाडौँ— हङकङ इन्टरनेसनल सिक्सेस-२०२४ को उपाधि श्रीलंकाले जितेको छ ।
श्रीलंकाले आज दिउँसो भएको फाइनलमा पाकिस्तानलाई तीन विकेटले पराजित गर्दै उपाधि हात पारेको हो । पाकिस्तानले दिएको ७३ रनको लक्ष्य श्रीलंकाले तीन विकेट गुमाएर ५ ओभरमै पूरा गर्दै उपाधि जितेको हो ।
उपाधिका लागि श्रीलंकाका सन्दुन विराक्कोदीले ३४, लिहिरु मधुसनकाले १९, थारिन्दु रत्नायकेले १६ रनको योगदान गरे । अरु ब्याटरले भने दोहोरो अंकमा खेल्न सकेनन् ।
पाकिस्तानका फाहीम असर्फ र हुसैन तलातले एकरएक विकेट लिए । त्यसअघि पहिले ब्याटिङ गरेको पाकिस्तानले सबै विकेट गुमाएर ७२ रन बनाएको थियो । पाकिस्तानका ओपनर मुहम्मद अखलकले ४८, कप्तान फाहीम असर्फले १३ र आमेर यामिनले ६ रन बनाएका थिए ।
श्रीलंकाका थारिन्दु रत्नायके र धनन्जय लक्सनले दुईरदुई तथा निमेष विमुक्थी र लिहुरु मधुसनकाले एकरएक विकेट लिए । हङकङ सिक्सेसमा सहभागी भएको नेपाल भने समूह चरणका सबै खेलमा विजयी भए पनि क्वाटरफाइनलमा भने उपाधि विजेता श्रीलंकासँगै पराजित भएको थियो ।
प्रतिक्रिया