विश्वकप लिग–२: नेपालले आज घरेलु टोली अमेरिकासँग खेल्दै

काठमाडौं । आईसीसी विश्वकप लिग– २ अन्तर्गत नेपालले पहिलो खेल आज राति घरेलु टोली अमेरिकासँग खेल्दैछ।

नेपाल र अमेरिकाबीचको खेल राति सवा ९ बजे शुरु हुने छ। नेपाल रोहित पौडेलको कप्तानीमा मैदानमा उत्रिदै छ । लिगका लागि नेपाल क्रिकेट संघ (क्यान)ले सन्दीप लामिछानेलाई समेत समावेश गरेर १५ सदस्यीय टोली घोषणा गरेको छ। नेपालले दोस्रो खेल मंगलबार स्कटल्याण्डसँग खेल्नेछ। नेपालले दुवै टोलीसँग दुई–दुई खेल खेल्ने छ ।

आईसीसी विश्वकप लिग–२ को अंकतालिकामा नेपालसातौँ, अमेरिका दोस्रो र स्कटल्याण्डचौथो स्थानमा छन्। आईसीसी विश्वकप लिग– २ मा नेपालसहित क्यानडा, अमेरिका, नेदरल्याण्डस्, स्कटल्याण्ड, नामिबिया, ओमान र यूएई सम्मिलित छन्।