काठमाडौं । काठमाडौंमा जारी साफ वुमन्स च्याम्पियन्सिपको सेमिफाइनलमा आज नेपाल र भारत तथा बंगलादेश र भुटान भिड्ने भएका छन् ।
साँझ साढे ६ बजे सुरु हुने दोस्रो सेमिफाइनलमा घरेलु टोली नेपालले सर्वाधिक ५ पटकको च्याम्पियन भारतको सामना गर्नेछ । त्यसअघि पहिलो सेमिफाइनलमा साविक विजेता बंगलादेश र भुटानबीच दिउँसो साढे १ बजे प्रतिष्पर्धा सुरु हुनेछ ।
सेमिफाइनलसम्म आइपुग्दा भारतबाहेक नेपाल, भुटान र बंगलादेश समूह चरणमा अपराजित रहे । नेपाल, भारत र बंगलादेश अहिलेसम्म भएका सबै सातवटै संस्करणमा सेमिफाइनल पुगेका छन् भने भुटान दोस्रो पटक सेमिफाइनलमा पुगेको हो ।
प्रतिक्रिया