काठमाडौं । सोमबार टुँडिखेलमा आयोजित गौरा पर्वको कार्यक्रममा हुलहुज्जत गरेको आरोपमा पक्राउ परेका तीन जना धरौटीमा रिहा भएका छन् ।
प्रहरीले जाहेरी दर्ता गरेर अनुसन्धानका लागि दुई जनाको पाँच दिन र एकजनाको ९ दिन म्याद लिएकोमा उनीहरुलाई काठमाडौं जिल्ला अदालतले शुक्रबार छाड्ने आदेश दिएको हो । उनीहरुलाई जनही ९ हजार रुपैयाँ धरौटी लिएर छाडिएको हो ।
गत सोमबार टुँडिखेलमा आयोजित गौरा पर्वको कार्यक्रममा प्रधानमन्त्री केपी शर्मा ओली र कांग्रेस सभापति शेरबहादुर देउवा सहभागी रहदाँ होहल्ला भएको थियो ।
पक्राउ पर्नेमा सुर्खेत घर भइ वाफलमा रोयल खाजाघर सञ्चालन गर्ने ३४ वर्षिय गोपीराम जैसी, अछाम घर भइ हाल कोटेश्वर बस्ने २५ वर्षिय रेम्बो बुढा भनिने रामबहादुर बुढा र कञ्चनपुर घर भइ हाल किर्तिपुर बस्ने दिपक सिंह ठगुन्ना रहेका छन् ।
प्रतिक्रिया