साफ यु २० च्याम्पियनसिपः उपाधिका लागि नेपाल र बंगलादेश भिड्ने, खेल एन्फा कप्लेक्समै हुने

काठमाडौं । साफ यु २० च्याम्पियनसिपको फाइनल खेल सातदोबाटो स्थित एन्फा कप्लेक्समै हुने भएको छ ।

आयोजक अखिल नेपाल फुटबल संघ (एन्फा) ले नेपाल र बंगलादेशबीचको फाइनल खेल एन्फा कम्लेप्समै हुने जानकारी दिएको हो । यसअघि गत शुक्रबार एन्फाले फाइनल खेल दशरथ रंगशालामा हुने जनाएको थियो । फाइनलमा नेपाल र बंगलादेश भिड्दै छन् । सेमिफाइनलमा नेपालले भुटानलाई र बंगलादेशले भारतलाई पराजित गर्दै फाइनलमा स्थान बनाएका हुन् । समूह चरणमा नेपालले बंगलादेशलाई २–१ गोल अन्तरले पराजित गरेको थियो ।फाइनल खेल भोलि दिउँसो साढे २ बजे सुरु हुनेछ ।