काठमाडौं । नेकपा एमालेले केन्द्रीय कमिटीमा मनोनीत १७ सदस्यलाई आज शपथ खुवाएको छ ।
पार्टी केन्द्रीय कार्यालयमा आज आयोजित कार्यक्रममा मनोनीत केन्द्रीय सदस्यहरुले सपथ खाएका हुन् । गत बिहीबार बसेको एमाले सचिवालय बैठकले केन्द्रीय कमिटी सदस्यमा १७ जनालाई मनोनयन गरेको थियो। सुवास कर्मचार्य, कुन्दन कुसवाह, जितेन्द्र देव, रामपृत राम, कृष्णभक्त पोखरेल, कमलकृष्ण तिमिल्सिना, गोविन्द पुन र केदार सिग्देल केन्दीय सदस्यमा मनोनित भए ।
यस्तै, मनमोहन पौडेल, भरदेव जोशी, हरि उप्रेती, इन्द्र भण्डारी, महेश बर्तौला, सरिता भुसाल, प्रभा बराल, मञ्जु शर्मा चालिसे र आशा जवेगु पनि केन्द्रीय सदस्यमा मनोनित भएका हुन ।
प्रतिक्रिया