सडक विभाग,भौतिक पूर्वाधार मन्त्री हुँदै सरकासँग भिडिरहेका काठमाडौं महानगरपालिकाका प्रमुख बालेन्द्र शाह उर्फ बालेनको भिडन्त एमाले अध्यक्ष केपी शर्मा ओलीसँगै शुरु भएको छ । जसको रणमैदान न्यूरोडको सडक बन्दा यसमा प्रष्ट दुई पक्ष देखिएको छ । जसलाई कतिपयले नयाँविरुद्ध पुरानाको लडाइँकै रुपमा हेर्दा बालेन र सरकार तथा ओलीबीचको भिडन्तको सम्बन्ध के हो त ?
काठमाडांैको मुख्य क्षेत्रमा रहेको जुद्ध सडक अर्थात न्यूरोडमा सोमबार काठमाडौँ महानगर र केन्द्रीय सरकारको भिडन्त नै थियो । सडक भत्काएको भन्दै बनाउन अल्टिमेटम दिएको सडक डिभिजन कार्यालयका कामदारलाई पिच गर्न भ्याईनभ्याइ थियो । रफ्तार हेर्दा लाग्थ्यो यही गतीमा पिच हुने हो भने पूर्वपश्चिम राजमार्गको दाउन्ने खण्ड होस् कि कलंकी–महाराजगन्जको चक्रपख खण्ड एक हप्तामा काम फत्ते भइसक्ने रहेछ । तर यो रफ्तार त केवल काठमाडौं महानगरको सेखी झार्ने अस्त्र मात्रै थियो । यता महानगर प्रमुख बालेन्द्र शाह बालेन पनि के कम उनले सामाजिक सन्जालबाटै स्टाटस ठोकेर केपी शर्मा ओलीलाई गिरीबन्धु टी इस्टेटको जग्गामा बैना उठाएको रकम फिर्ता गर्न चुनौती नै दिए ।
जसले गर्दा एमाले नेता र पक्षधरहरु आगो नै बनेका छन् । एक त उनकै कानुनी सल्लाहकार ओमप्रकाश अर्यालले हालेको रिटमा ओली दोषी देखिने, अर्कातर्फ आफ्ना पार्टीका मन्त्री रघुवीर महासेठ प्रहारमा पर्ने र अहिले ओलीमाथि नै फेरि प्रहार गर्ने बालेन शैलीले एमाले कार्यकर्ताको होस नै उडेको छ । तर यो नै बालेन कोहीसँग पहिलो चोटी भिडेको घटना भने होइन । यसअघि पनि प्रधानमन्त्री पुष्पकमल दाहाल प्रचण्ड,गृहमन्त्री रवि लामिछाने तथा संघका मन्त्रालय तथा सो मातहतका कार्यालयसँग उनी भिडिसकेका छन् ।
जसले पुराना पार्टी र नेताहरुको निद नै हराम हुँदाबालेनलाई पक्राउ गर्न वालुवाटारमा बैठक नै बसेको थियो । जनताका प्रिय भएकै कारण बालेन आफूमाथि खनिइरहेको बुझाईमा रहेका उनीहरु त्यतिबेला जनमत पार्टीका अध्यक्षडा. सीके राउतले नसम्झाएका भए बालेनलाई देखाइदिने मुडमै थिए । जुन अवस्था फेरि विकास हुन थालेको छ ।
अहिले प्रचण्ड, ओली र कांग्रेस सभापति शेरबहादुर देउवाबीच काण्ड मिलानको सहमति भएको चर्चा नै छ । यही कारण रविविरुद्ध चर्को सुनिने कांग्रेस, एमाले–माओवादीप्रति नरम भएको चर्चा गरिँदा बालेनसँग भिडन्त भएपछि तीनै नेता भेला भएका छन् । जसलाई अर्थपूर्ण रुपमा हेरिँदा पछिल्लो समय ओली निरन्तर बालेनलाई धम्काइरहेका छन् । यसले अहिले एमाले र उनी आमनेसामने भएका छन् भने नफुट्ने तबला उपहार दिएर ओलीले बनाएको सम्बन्ध टुक्रा टुक्रा हुनेतर्फ अघि बढेको छ । जसले क्षेत्राधिकारको विवादलाई समेत प्रतिविम्बित गर्दा पुराना दल बालेन सकाउने बाटोमा रहेको विश्लेषकहरु बताउँछन् ।
उनीहरुका अनुसार विगतमा रविबाटै तर्सिएका उनीहरु बालेनको लोकप्रियताबाट तर्सिएका मात्रै छैनन् आगामी निर्वाचनमा बालेन त्यो भन्दा ठूलो खतरा हुने डरमा छन् । जहाँ उनका कामले पाएको लोकप्रियताले समेत यसलाई पुष्टि गर्दा काम जालझेल गर्ने,रोक्ने र विवादमा तान्ने बाटोमा पुराना नेता र दल लागेको उनीहरु तर्क गर्छन् । जहाँ नागरिकको साथ पाएका बालेन पछि नहट्ने बरु भिड्ने बाटोमा लाग्दा मुठभेड बढ्दै गएको र यो यतिमै अन्त्य नहुने उनीहरुको विश्लेषण छ ।
अहिलेसम्म हेर्दा बालेनको शक्ति नै उनको समर्थकहरु हुन् । सोमबारमात्रै उनको सामाजिक सन्जालमा फलोअरको संख्या २ मिलियन अर्थात (२० लाख)पुगेको छ भने जति उनलाई काममा अवरोध हुन्छ उति चर्चामा आइरहेका छन् । यसले समेत पुराना नेता र दलको निद हराम हुँदाबालेनले चालेको कदम पदीय हैसियत अनुरुपको नभएको भन्दै लाज नै लजाउने गरि ऐन कानुन सिकाइरहेका छन् । जहाँ बालेन भने काँक्रो चोरलाई मुड्कीसास्ती भन्ने उखान चरितार्थ गर्न लागि पर्दा उनीसँग ठोकिने नै टुक्राटुक्रा हुने गरेको विगत एमाले र ओलीमासमेत नदोहोरिएला भन्न सकिँदैन ।
प्रतिक्रिया