एकदिवसीय विश्वकपको उपाधिका लागि भारत र अष्ट्रेलिया भिड्दै

आइसिसी एकदिवसीय विश्वकप क्रिकेटको उपाधिका लागि आज भारत र अष्ट्रेलिया खेल्दैछन्।

अहमदावादस्थित नरेन्द्र मोदी स्टेडियममा नेपाली समयअनुसार दिउँसो सवा २ बजे फाइनल खेल सुरू हुनेछ।सेमिफाइनल खेलमा भारतले न्युजिल्याण्डलाई र अष्ट्रेलियाले दक्षिण अफ्रिकालाई हराएर फाइनलमा भेट पक्का गरेका हुन् । जारी विश्वकपको लिग चरणमा भारतले अष्ट्रेलियालाई ६ विकेटले हराएको थियो।

यसपालि उच्च लयमा देखिएको भारत अहिलेसम्म अपराजित छ।अष्ट्रेलिया लिग चरणमा २ खेल हारेपछि लयमा फर्किएको थियो। पाँच पटक उपाधि जितेको अस्ट्रेलियाले आठौंपटक विश्वकपको फाइनल खेल्न लागेको हो । दुई पटक उपाधि जितेको भारतचौथो पटक विश्वकपको फाइनल खेल्दैछ।