फिफा विश्वकप छनोटमा आज नेपाल र युएईखेल्दै

काठमाडौँ– फिफा विश्वकप छनोट अन्तर्गत आज नेपालले युएईसँग खेल्दैछ । युएईको दुबईमा नेपाली समयअनुसार आजराति साढे ९ बजे नेपालले दोस्रो चरणको पहिलो खेल खेल्नेछ।दोस्रो चरणका लागि नेपालको समूहमा युएई, बहराइन र यमन छन्।फिफा वरीयतामा नेपाल १७३ औँ स्थानमा छ । युएई ६९औं स्थानमा छ। युएई समूहको सबैभन्दा बलियो टिम हो। बहराइन ८३औं र यमन १५६औं स्थानमा छन् । दोस्रो चरणका खेलहरू होम एन्ड अवेका आधारमा हुनेछन्। नेपालले तीनै टिमसँग होम एन्ड अवेमा ६ खेल खेल्नेछ। पाँच दिनपछि नेपालले दोस्रो खेल घरेलु मैदानमै खेल्नेछ।