सन्दीप लामिछानेविरूद्धको मुद्दामा आजदेखि नियमित सुनुवाइ

काठमाडौँ – क्रिकेटर सन्दीप लामिछाने विरूद्धको मुद्दामा आजदेखि काठमाडौँ जिल्ला अदालतमा नियमित सुनुवाइ हुँदै छ ।

उनले काठमाडौँको गौशालास्थित एक होटलमा एक नाबालिकलाई बलात्कार गरेको आरोपमा मुद्दा खेपिरहेका छन् । पछिल्लो पटक विश्वकप छनोटका लागि जिम्बाबे प्रस्थान गरेयता मुद्दाले निरन्तरता पाउन सकेको थिएन ।

यसअघि नाबालिक बलात्कार मुद्दाको थुनछेक बहसका क्रममा जिल्ला अदालत काठमाडौँले सन्दीपलाई पुर्पक्षका लागि थुनामा पठाएको थियो । तर उच्च अदालत पाटनले २० लाख रूपैयाँ धरौटीमा छाड्न आदेश दिएको थियो । सर्वोच्च अदालतले भने लामिछानेलाई विदेशका प्रतियोगितामा भाग लिन जान पाउने आदेश दिएको थियो ।