महिला विश्वकप फुटबलमा आज चार खेल

काठमाडौँ – फिफा विश्वकप महिला फुटबलमा आज चार खेल हुदैछन् । आज दक्षिण कोरिया मोरोक्को, स्विटजरल्याण्ड र न्युजिल्याण्ड तथा नर्वे र फिलिपिन्स तथा जर्मनी र कोलम्बिया भिड्न लागेका हुन् ।

समुह एच मा रहेका दक्षिण कोरिया र मोरोक्ककोबिचको खेलमा बिहान सवा १० बजे अस्ट्रेलियाको हिन्दमार्श स्टेडियममा हुनेछ । यी दुवै टोली अंक बिहान छन् । जर्मनी र कोलोम्बिया पहिलो र दोस्रो स्थानमा छन् ।

यस्तै समुह ए मा रहेका स्विटजरल्याण्ड र न्युजिल्याण्डबिचको खेल आज न्युजिल्यण्डस्थित फोर्सिद स्टेडियममा दिउँसो पौने १ बजे शुरु हुनेछ । दिउँसो पौने १ बजे नै समुह ए कै नर्वे र फिलिपिन्सले इडनपार्कमा खेल्दैछन् ।

समुह ए मा स्विटजरल्याण्ड अंक तालिका पहिलो स्थानमा छ । न्युजिल्याण्ड दोस्रो स्थानमा रहँदा फिलिपिन्स तेस्रो नर्वे अन्तिम अर्थात चौथो स्थानमा छ । आजै जर्मनी र कोलम्बिया पनि आमने सामने हुँदैछन् । यी दुईबीचको खेल अस्ट्रेलियामा सवा ३ बजे सुरु हुनेछ ।