बझाङमा यार्सागुम्बा संकलक हिम पहिरोमा परी एक महिला बेपत्ता

काठमाडौँ — बझाङको सुर्मा गाउँपालिकामा एक जना यार्सागुम्बा संकलक हिम पहिरोमा बेपत्ता भएकी छन् । सुर्मा गाउँपालिका-१ देवडी घर भएकी ३३ वर्षीया झल्लादेवी बोहरा बेपत्ता भएकी हुन् । केही दिनअगाडि छोेरासहित सुर्मा गाउँपालिकाको पार्थी हिमालको वनमा यार्सागुम्बा संकलन गर्न गएकी बोहरा हिउँ पहिरोमा बेपत्ता भएकी छन् ।

गएराति हिम पहिरो खस्न थालेपछि भाग्ने क्रममा उनी बेपत्ता भएको स्थानीय दिपेन्द्र बोहराले जानकारी दिए । यता प्रहरीले भने घटनाबारे जानकारी लिने प्रयास भइरहेको बताएको छ ।