१०८ रन बनाएर आउट भए कुशल मल्ल

काठमाडौँ – ओमानविरुद्ध उत्कृष्ट ब्याटिङ गरेका कुशल मल्ललाई नेपालले गुमाएको छ । ४०.४ ओभरमा आउट हुनुअघि उनले मात्र ६४ बलमा एक सय आठ रन बनाए ।

दबाबको अवस्थामा आक्रामक ब्याटिङ गर्दै कुशलले नेपालको इनिङलाई सम्मानजक स्कोरमा पुरयाएका छन् । ९ ओभरको खेल बाँकी छँदा नेपालले २२५ रन बनाएको छ । क्रिजमा सोमपाल कामी र सन्दीप लामिछाने छन् ।

कुशलले ५९ बलमा शतक पूरा गरेका थिए । उनी नेपालका लागि सबैभन्दा थोरै बलमा सतक बनाउने खेलाडी बनेका छन् । उनको अविस्मरणीय इनिङमा ९ चौका र १० छक्का समावेश थिए । अकिब इलियासको बलमा अर्को ठूलो सट खेल्ने प्रयास गर्दा उनी आयान खानबाट क्याच आउट भएका थिए ।