दुर्गेश थापाविरुद्ध प्रहरीमा उजुरी

काठमाडौँ — गायक तथा मोडेल दुर्गेश थापाविरुद्ध प्रहरीमा उजुरी परेको छ । जिल्ला प्रहरी परिसर काठमाडौंका सहायक प्रवक्ता निरञ्जन भट्टले उनीविरुद्ध उजुरी परेको पुष्टि गरे । दुर्गेश थापाले कुटपिट गरेको भन्दै एक पीडित प्रहरी वृत्त महाराजगञ्जमा उजुरी परेको प्रवक्ता भट्टले बताए। उनीहरू दुबै जनालाई मंगलबार प्रहरी वृत्त महाराजगञ्जमा छलफलका लागी बोलाइएको छ ।

गत शनिबार म्युजिक भिडियो कलाकार संघले वनभोजको आयोजना गरेको थियो। उक्त वनभोजमा उपस्थित भएका गायक थापाको टोलीले टिकटकर रिदम क्षेत्रीको समूहलाई कुटपिट गरेको थियो । प्रहरीका अनुसार थापासहित ३ जनाविरुद्ध महाराजगञ्जमा उजुरी परेको हो । गायक थापाले क्षेत्रीको डेढ तोलाको सिक्रीसमेत लुटेको आरोप लागेको छ । प्रत्यक्षदर्शी तथा कलाकार देवेन्द्र क्षेत्रीका अनुसार त्यस दिन उनीहरूबीच झगडा भएको थियो ।