कप्तान रोहितको ८औँ अर्धशतक

काठमाडौँ – कप्तान रोहितकुमार पौडेलले आईसीसी क्रिकेट विश्वकप लिग टुअन्तर्गत अन्तिम त्रिदेशीय सिरिजमा यूएईविरुद्ध अर्धशतक बनाएका छन् ।

टियू क्रिकेट मैदानमा टस जितेर ब्याटिङ गरेको नेपालका लागि कप्तान रोहितले अर्धशतक बनाएका हुन् । एकदिवसीय अन्तर्राष्ट्रिय क्रिकेटमा उनको यो आठौँ अर्धशतक हो । रोहित नेपालको सर्वाधिक अर्धशतक बनाउने खेलाडी पनि बनेका छन् । आशिफले एकदिवसीय क्रिकेटमा सात पटक अर्धशतक बनाएका छन् ।
रोहितले ८३ बलमा अर्धशतक पूरा गरेका हुन् । रोहितले अर्धशतक बनाउने क्रममा सात चौका प्रहार गरेका छन् ।