क्याफेको छैठौं तलाबाट खसेर माधव नेपालका भाइ सरोजकुमार उपाध्यायको निधन

काठमाडौँ — नेकपा एकीकृत समाजवादीका नेता सरोजकुमार उपाध्यायको निधन भएको छ । काठमाडौंको शंखमूलस्थित बबिन्स क्याफेको रूफटप छैठौं तलाबाट खसेर उनको निधन भएको जिल्ला प्रहरी परिसर काठमाडौंका एसपी सीताराम रिजालले जानकारी दिए । उनी दिउँसो सवा २ बजे खसेका थिए ।

खसेर गम्भीर घाइते भएका उनलाई सिभिल अस्पताल लगिएको थियो । उक्त अस्पतालबाट थापाथलीस्थित अन्नपूर्ण न्यूरो अस्पताल लगिएको थियो । त्यहाँ उपचारको क्रममा उनको साढे ५ बजे मृत घोषणा गरिएको एसपी रिजालले बताए । उपाध्याय एकीकृत समाजवादीका अध्यक्ष माधव नेपालका भाइ हुन्।