काठमाडौँ— प्रधानमन्त्री पुष्पकमल दाहाल ‘प्रचण्ड’ प्रधानमन्त्रीमा नियुक्त भएपछि पहिलोपटक सुदूरपश्चिम प्रदेश जान लागेका छन् ।
भोलि हेलिकप्टरमार्फत प्रचण्ड करिब १० बजे कैलाली जाने कार्यक्रम रहेको छ । कैलालीको गेटामा रहेको मेडिकल कलेजको निरीक्षण गर्ने प्रधानमन्त्रीको पहिलो कार्यक्रम छ । अरबौँका संरचना निर्माण भएर पनि यो मेडिकल कलेज सञ्चालन हुन सकेको थिएन ।
त्यसलगत्तै प्रधानमन्त्री महेन्द्रनगर गएर सुख्खा बन्दरगाहको निरीक्षण गर्ने कार्यक्रम छन् । प्रचण्डले महेन्द्रनगरमा भोलिदेखि सुरू हुने महोत्सवको उद्घाटन गर्नेछन् ।
त्यसलगत्तै पार्टी जिल्ला कमिटीले ‘जनयुद्ध दिवस’ को अवसरमा आयोजना गरेकव कार्यक्रममा उनी उपस्थित हुने छन् ।
एकै दिनका यी चार कार्यक्रम सम्पन्न गरेर प्रचण्ड भोलि नै काठमाडौं फर्किने कार्यतालिका रहेको माओवादी प्रदेश अध्यक्ष हरिराम चौधरी ‘उत्सव’ ले जानकारी दिएका छन् ।
प्रतिक्रिया