काठमाडौँ— गत निर्वाचनमा नेकपा एमालेले टिकट नदिएपछि स्वतन्त्र उम्मेदवार बनेका घनश्याम भूसाल आज नेकपा एकीकृत समाजवादी प्रवेश गर्ने भएका छन् ।
नयाँ वानेश्वरस्थित अर्याल होटलमा एक कार्यक्रमकाबीच भूसाल एकीकृत समाजवादी प्रवेश गर्न लागेका हुन् ।
उनले मंसिर ४ को निर्वाचनमा रुपन्देही क्षेत्र नम्बर – १ बाट स्वतन्त्र उम्मेदवारी दिएका थिए । भूसाललाई तत्कालीन नेपाली काँग्रेस माओवादी लगायतको सत्ता गठबन्नको साथ थियो ।
तर उनी एमालेकै उम्मेदवारसँग पराजित भएका थिए ।
नेकपा एकीकृत समाजवादीमा उनलाई कुन पद दिने भन्नेबारे प्रष्ट भइसकेको छैन । तरपनि भूसाललाई हासचिव वा उपाध्यक्ष दिइने चर्चा छ ।
भूसाल एमाले विभाजन अघि माधव नेपाल निकटकै नेता थिए । तर एमाले विभाजनका क्रममा उनले नेपाललाई साथ दिएका थिएनन् ।
प्रतिक्रिया