प्रधानमन्त्री कप : पहिलो सेमिफाइनलमा आज एपीएफ र मधेस प्रदेशबीच प्रतिस्पर्धा हुँदै

काठमाडौँ – राजधानीमा जारी प्रधानमन्त्री कप क्रिकेटअन्तर्गत बिहीबार हुने पहिलो सेमिफाइनल खेलमा एपीएफ र मधेस प्रदेशबीच प्रतिस्पर्धा हुँदै छ ।

समूह बीको उपविजेताको हैसियतमा मधेस प्रदेश सेमिफाइनलमा पुगेको हो भने एपीएफ समूह एको विजेता हो । आज हुने खेल बिहान नौ बजे कीर्तिपुरस्थित त्रिवि क्रिकेट मैदानमा हुनेछ ।

आजको विजेताले भोलि हुने नेपाल पुलिस क्लब र त्रिभुवन आर्मी क्लबबीचको दोस्रो सेमिफाइनलको विजेतासँग उपाधिको लागि प्रतिस्पर्धा गर्नेछ ।