टी२० विश्वकप : पहिलो सेमिफाइनलमा पाकिस्तान र न्युजिल्याण्ड भिड्दै

काठमाडौँ – आईसीसी टी२० विश्वकप क्रिकेटअन्तर्गत पहिलो सेमिफाइनल खेलमा बुधबार पाकिस्तान र न्युजिलयाण्डबीच प्रतिस्पर्धा हुँदै छ ।

अष्ट्रेलियाको सिड्नी क्रिकेट मैदानमा हुने खेल दिउँसो पौने २ बजे सुरु हुनेछ। समूह चरणको खेलमा भारत र जिम्बाबेसँग हारेसँगै कठिन बनेको पाकिस्तानको सेमिफाइनल यात्रा नेदरल्याण्ड्सले दक्षिण अफ्रिकामाथि जितले तय गरिदिएको हो ।

समूह एमा रहेको न्युजिल्याण्डले भने समूह चरणमा तीन खेलमा जित हात पारेको थियो भने एक खेल मात्र हारेको थियो । पाकिस्तान टी२० विश्वकपमा सबैभन्दा धेरैपटक सेमिफाइनलमा पुग्ने टोली हो । पाकिस्तान ६ पटक टी२० विश्वकपको सेमिफाइनलमा पुगेको छ ।