लोकप्रिय गायक आरोनको निधन

काठमाडौँ— अमेरिकाका चर्चित गायक र्यापर आरोन कार्टरको ३४ बर्षको उमेरमा निधन भएको छ । आरोनको शव क्यालिफोर्नियास्थित उनको घरमा शंकास्पद अवस्थामा भेटिएको हो ।

उनी बाथटबमा मृत अवस्थामा भेटिएको खबर आएको छ । अति नै कम उमेरमा आरोन कार्टनले सफलताको शिखर चुम्न सफल भएका थिए । उनको पहिलो एल्बम आराने कार्टर उनी ९ वर्षको हुँदा सार्वजनिक भएको थियो ।

१९९७ मा ब्याकस्ट्रीट ब्वाइजका साथ उनले आफ्नो गायन करियरको शुरुवात गरेका थिए । उनी ब्याकस्ट्रिट ब्वाइ निक कार्टरका कान्छो भाइ थिए ।

गायक आरोन कार्टरको निधनको जानकारी उनका एजेन्ट टेलर हेलगेसनले दिएका हुन् । अहिलेसम्म आरोनको मृत्युको कारण थाहा हुन सकेको छैन ।