काठमाडौँ – इंग्ल्याण्ड अष्ट्रेलियामा जारी आईसीसी टी२० विश्वकपको सेमिफाइनलमा प्रवेश गरेको छ ।
शनिबार भएको खेलमा श्रीलंकालाई ४ विकेटले पराजित गर्दै इंग्ल्याण्डले सेमिफाइनलमा आफ्नो स्थान पक्का गरेको हो । शनिबारको खेलमा पहिला ब्याटिङ गरेको श्रीलंकाले निर्धारित २० ओभरमा ८ विकेटको क्षतिमा १४१ रन बनाएको थियो। जवाफी ब्याटिङमा उत्रिएको इंग्ल्याण्डले १९ ओभर ४ बल खेल्दै ६ विकेटको क्षतिमा लक्ष्य पूरा गर्यो।
यससँगै घरेलु टोली अष्ट्रेलिया भने सेमिफाइनलमा पुग्न वञ्चित भएको छ। इंग्ल्याण्ड र न्युजिल्याण्डसँग बराबरी अंक हात पारे पनि नेट रनरेटको आधारमा अष्ट्रेलिया पछि परेको हो।
आइतबार हुने तीन खेलबाट समूह बीबाट माथिल्लो चरणमा जाने दुई टोलीको पनि टुङ्गो लाग्नेछ।
प्रतिक्रिया