तीन कम्युनिष्ट पार्टीले चुनाव बहिष्कार गर्ने

काठमाडौँ – नेत्रविक्रम चन्द विप्लव महासचिव रहेको नेपाल कम्युनिष्ट पार्टीसहित तीन वटा कम्युनिष्ट पार्टीले मंसिर ४ मा हुने प्रतिनिधि सभा र प्रदेश सभा चुनाव बहिष्कार गर्ने भएका छन् ।

नेपाल कम्युनिष्ट पार्टीका नेता खड्गबहादुर विश्वकर्मा प्रकाण्डका अनुसार विप्लव नेतृत्वको पार्टी, ऋषि कट्टेल अध्यक्ष रहेको नेपाल कम्युनिष्ट पार्टी र आहुती महासचिव रहेको वैज्ञानिक समाजवादी कम्युनिष्ट पार्टी नेपालले चुनाव बहिष्कार गर्ने निर्णय गरेका हुन् ।

तीन कम्युनिष्ट पार्टीको बैठक बुधबार बुद्धनगरमा बसेको र चुनाव बहिष्कार, खारेजी गर्ने निर्णय गरेको प्रकाण्डले उल्लेख गरेका छन् । कात्तिक १९ मा पत्रकार सम्मेलन गरी चुनाव बहिष्कारबारे थप जानकारी दिइने पनि उनीहरूले बताएका छन् ।