विपी कोइराला मेरा पनि नेता हुनुहुन्छः मन्त्री मेटमणि चौधरी

काठमाडौँ— क्षेत्र नम्बर १, दाङका सत्ता गठबन्धनका उम्मेदवार एवं सहरी विकास मन्त्री मेटमणि चौधरीले विपी कोइराला आफ्नो पनि नेता भएको धारणा राखेका छन् । घोराही–२, पलासेमा विहिबार आयोजित बाम लोकतान्त्रिक गठबन्धन दलका अगुवा कार्यकर्ता भेलालाई सम्बोधन गर्दै मन्त्री चौधरीले आफुले विकासका काममा यो दल त्यो दल भन्ने नगरेको बताए ।

सांसद हुने बित्तिकै संसद विकास कोषको रकमबाट पहिलो वर्ष नै विपी स्मृति भवनका लागि १५ लाख र त्यसपछि क्रमशः थप्दै ८० लाख हालेँको र फेरि फिनिसिङ गर्नका लागि रु १ करोड थप रकम उपलब्ध गराउने किनकि विपी कोइराला उहाँको पनि नेता हुनुभएको बताएका छन् । उनले त्यतिबेला कांग्रेससँग गठबन्धन हुने कल्पना गरेर बजेट नदिएको र यसपाली जनमोर्चाका साथीहरुले भवन बनाइदिन अनुरोध गरेको हुदाँ उहाँहरुको लागि पनि भवन बनाइने बताएका छन् ।

साथै सांसद विकास कोषको पैसा बाँड्दा समेत सबै दलका नेताहरुलाई बोलाएरै बाँडफाँड गरेको बताए । विकास सबैको साझा चाहना भएकोले सबैलाई मिलाएर हिँड्न जरुरी भएको र जनतालाई विभाजन गरेर कसैको हित नहुने मन्त्री चौधरीले बताएका हुन् ।