पाथीभरा महिला हाफ म्याराथनको उपाधि समपाल्मु शेर्पालाई

काठमाडौँ —पाथीभरा म्याराथनको उपाधि समपाल्मु शेर्पाले जितेकी छिन् । ताप्लेजुङ महिला हाफ म्याराथन प्रतियोगिताको उपाधि ताप्लेजुङकै मैवाखोला गाउँपालिका ५ फाकुम्वाकी समपाल्मु शेर्पाले जितेकी हुन् । शेर्पाले ३ घण्टा ४१ मिनेट ९ सेकेण्डमा निर्धारित दूरी पार गर्दै उपाधि जितेकी हुन् । त्यस्तै भोजपुरको हतुवागडी गाउँपालिका घर भई हाल धरान बस्दै आएकी छेम्विमाया राई द्धितीय भइन् ।

उनले ४ घण्टा ९ मिनेट ५३ सेकेण्डमा निर्धारित दूरी पार गरिन् । तृतीय स्थान ताप्लेजुङकै पेम्वाल्हामु शेर्पाले जितिन् । उनले ४ घण्टा ३१ मिनेट ५४ सेकेण्डमा निर्धारित दूरी पार गरिन् । प्रथम, द्धितीय र तृतीयको लामो अन्तर भएको थियो । प्रतियोगितामा २४ महिला सहभागी थिए । प्रथमले ८१ हजार, द्धितीयले ५१ र तृतीयले ३१ हजार रुपैयाँ पुरस्कार प्राप्त गर्ने छन् ।