काठमाडौँ – नेकपा माओवादी केन्द्रको पदाधिकारी बैठकमा निर्वाचन आयोगमा बुझाउने समानुपातिकको बन्द सूचीबारे छलफल भएको छ ।
आज बिहान केन्द्रीय कार्यालय परिसडाँडामा बसेको पदाधिकारीको बैठकले यसबारे छलफल गरेको हो ।
उपमहासचिव गिरिराजमणि पोखरेलले केन्द्रीय कार्यालयले तयार पारेको प्रारम्भिक सूचीमाथि आजको बैठकमा छलफल भएको तर नटुंगिएको जानकारी दिए । उनका अनुसार सूची टुंग्याउन भोलि बिहान ७ बजे फेरि पदाधिकारीको बैठक बोलाइएको छ ।
निर्वाचन आयोगले समानुपातिकको बन्द सूची बुझाउन असोज ३ गतेसम्मको समय दिएको छ । आयोगमा संविधानले व्यवस्था गरे अनुसारको क्लस्टर मिलाएर ११० जनाको सूची पेस गर्नुपर्छ ।
प्रतिक्रिया