यू–२० एसियन कप छनोटको पहिलो खेल नेपालले आज भुटानसँग खेल्दै

काठमाडौँ — एएफसी यू–२० एसियन कप छनोटको पहिलो खेलमा नेपालले आज शनिबार भुटानको सामना गर्दैछ । बहराइनमा आयोजना हुने प्रतियोगिताका लागि नेपालले भुटानसँग प्रतिस्पर्धा गर्न लागेको हो । शेख अलि बिन मोहमद अल खलिफा स्टेडियममा हुने नेपाल र भुटानबीचको खेल राति ८ः४५ बजे सुरु हुनेछ ।

आजको खेलमा नेपाल भुटानलाई हराउँदै सुखद सुरुवात गर्ने योजनामा छ । यता भुटान पनि नेपाललाई हराउँदै प्रतियोगितामा आफ्नो बलियो दावेदारी प्रस्तुत गर्ने योजनामा छ । छनोटको समूह ‘बी’ नेपालसँगै भुटान, कतार, बहराइन र बंगालादेश छन् ।

समूह विजेताले सन् २०२३ मा उज्वेकिस्तानमा आयोजना हुने यू–२० एसियन कपमा स्थान बनाउने छन् । नेपाली टोलीका मुख्य प्रशिक्षक मेघराज केसीले टिमको तयारी राम्रो भएकाले आजको खेलमा सहज जित निकाल्दै प्रतियोगितामा आफू बलियो बन्ने बताएका थिए ।