काठमाडौँ — क्यारेवियन प्रिमियर लिग (सीपीएल) मा नेपाली क्रिकेट कप्तान सन्दीप लामिछाने आवद्ध जमैका तालबाज पराजित भएको छ । आज बिहान भएको खेलमा जमैका तालबाज सेन्ट लुसिया किंग्ससँग २ विकेटले पराजित भयो ।
जमैकाले आज सन्दीप लामिछानेलाई खेलाएन। सन्दीप बेञ्चमै थिए । जमैकाले दिएको एक सय ६४ रनको लक्ष्य लुसिया किंग्सले आठ विकेट गुमाएर एक बल बाँकी छँदै भेटायो ।
सन्दीपले जमैका तालाबाजको टिममा दोस्रो पटक आवद्ध भएका हुन् । सन् २०२० को संस्करणमा उनले जमैकाका लागि ५ दशमलव २७ को इकोनोमीमा १२ विकेट लिएका थिए ।
सन्दीपमाथि अहिले बलात्कारको आरोपमा जाहेरी दर्ता भएको छ । १७ वर्षीया किशोरीले भदौको ५ गते गौशलाको एक होटलमा सन्दीपले पटक पटक बलात्कार गरेको जाहेरी दिएपछि प्रहरीले अनुसन्धान गरिरहेको छ ।
प्रतिक्रिया