महिला साफ च्याम्पियनसीपमा नेपाललाई सुरुवाती अग्रता

काठमाडौँ — छैटौं महिला साफ च्याम्पियनसीपको उद्घाटन खेलमा अहिले नेपाल र भुटानबीचको खेल जारी छ । खेल वर्षाका बीच काठमाडौँको त्रिपुरेश्वरस्थित दशरथ रंगशालामा भइरहेको छ । नेपालले खेलमा सुरुवाती अग्रता बनाएको छ । खेलको १२ औँ मिनेटमा गोल गर्दै सावित्रा भण्डारीले नेपाललाई अग्रता दिलाएकी हुन् ।

अमिषा कार्कीको प्रहार भुटानकी गोलरक्षक संगीता मोङ्गरले वान टचमा समाउन नसकेपछि पाएको रिबाउन्डलाई सावित्राले सुन्दर गोल गरेकी हुन् ।