पहिलो पटक मुइथाई च्याम्पियनसिप हुँदै

काठमाडौँ — नेपालमा पहिलो पटक आइ एफ एम ए फाईट नाईट मुइथाई च्याम्पियनसिप हुने भएको छ ।
स्वास्थ्यका लागि खेलकुद राष्ट्रका लागि खेलकुद भन्ने नारा सहित पहिलो आइ एफ एम ए फाईट नाईट मुयाथाई प्रतिस्पर्धा हुन लागेको हो ।

नेपाल आइ एफ एम ए मुयाथाई एशोसिएसनको आयोजनामा आगामी असोज एक गते दिनको दुई बजे ह्वाइट प्यालेस व्याङक्वट कौशलटारमा हुँदैछ । प्रतियोगितामा देशभरका २० जना खेलाडीहरु सहभागि हुने छन ।

मेन इभेन्ट,को-मेन इभेन्ट र इभेन्ट गरी तीन चरणमा हुने प्रतिस्पर्धामा पुरस्कार राशी क्रमश मेन इभेन्टका प्रथमलाई एक लाख,दोस्रो हुनेलाई ५० हजार, को–मेन इभेन्टमा प्रथम हुनेले ५० हजार र दोस्रो हुनेले ३० हजार र इभेन्टमा प्रथमले ३० हजार र दोस्रो हुनेले २० हजार नगद पुरस्कार सहित प्रमाणपत्र तथा ट्रफि प्राप्त गर्नेछ ।