कांग्रेस नेता गिरिको स्वास्थ्य अवस्था बुझ्न अस्पताल पुगे प्रचण्ड

काठमाडौँ – स्वास्थ्य उपचार गराइरहेका नेपाली कांग्रेसका नेता प्रदिप गिरिलाई माओवादी केन्द्रका अध्यक्ष पुष्पकमल दाहाल प्रचण्डले भेट गरेका छन् ।

ललितपुरस्थित मेडिसिटी अस्पताल पुगेर अध्यक्ष प्रचण्डले गिरिको स्वास्थ्य अवस्थाबारे जानकारी दिएको उनको सचिवालयले जानकारी दिएको छ । शनिबार बिहान गिरिलाई भेट्न प्रचण्ड अस्पताल पुगेका हुन् । उनले गिरिको पछिल्लो अवस्थाको जानकारी दिँदै स्वास्थ्य लाभको कामना गरेका छन् ।

नेता गिरीका सहयोगी मन्दिप भारतीका अनुसार गिरिलाई चार दिनअघि नै आईसीयूमा राखिएको थियो । शुक्रबारबाट अवस्था गम्भीर भएपछि उनलाई भेन्टिलेटरमा राखिएको छ ।

गिरिको घाँटीमा क्यान्सर भएको छ । साथै निमोनिया पनि देखिएको छ । उनलाई साउन दोस्रो साता ललितपुरस्थित मेडिसिटी अस्पतालमा भर्ना गरिएको हो ।