एकदिनमै ५६८ जनामा कोरोना संक्रमण पृष्टि, एक जनाको निधन

काठमाडौँ — कोरोना भाइरसको संक्रमणले आज एक जनाको निधन भएको छ। स्वास्थ्य तथा जनसंख्या मन्त्रालयले जारी गरेको नियमित बुलेटिनमा आज एक जनाको निधन भएको जनाइएको छ। यस्तै आज चार हजार ८०० परीक्षणमध्ये आज ५६८ जनामा संक्रमण देखिएको छ। सक्रिय संक्रमितको सङ्ख्या तीन हजार ५३४ रहेको छ। त्यसैगरी विगत २४ घण्टामा ९५ जना कोरोनाबाट निको भएर घर फर्किएका छन्।

काठमाडौँ जिल्लामा ५०० भन्दा बढी संक्रमित रहेको पाइएको मन्त्रालयले जनाएको छ। शून्य संक्रमित भएका जिल्लामा मनाङ, जाजरकोट, कालिकोट, मुगु, हुम्ला र बाजुरा छन्। अहिलेसम्म होम आइसोलेशनमा तीन हजार ४०७, संस्थागत आइसोलेशनमा १२७, सघन उपचार कक्ष आईसीयूमा २७ र भेन्टिलेटरमा दुईजनाको उपचार भइरहेको छ। यसैगरी विगत २४ घण्टामा ६३ हजार ३७२ जनाले कोरोना भाइरसविरुद्धको खोप लगाएका छन्।