प्रतिनिधि सभाको शुन्य समयमा बोल्ने अधिकांश सांसदहरुले समयको ख्याल गर्न नसक्दा आफ्ना भनाइलाई पूर्णता दिन सक्दैनन् । आजको प्रतिनिधि सभा बैठकको शुन्य समयमा पनि यस्तै अवस्था देखियो ।
प्रतिनिधि सभाको शुन्य समयमा बोल्ने अधिकांश सांसदहरुले समयको ख्याल नै गर्दैनन् । समयको ख्याल नगरि आफ्ना भनाइ राखिरहँदा उनीहरुको भनाईले पूर्णता नै नपाउने सधैको समस्या हो । बिहिवारको प्रतिनिधि सभा बैठकको शुन्य समयमा पनि यस्तै अवस्था देखियो ।
अधिकांश सांसदहरुले समयको पावन्दीमा रहेर विषयवस्तु प्रश्तुत गर्न नसक्दा आधा वाक्यमै भनाइ टुंग्याउनु प¥यो । सांसदहरुले धेरै विषयवस्तु राख्न त खोजे तर कुनैपनि विषयलाई पूरा गर्न सकेनन् । शुन्य समयमा बोल्ने नेकपा एमालेका सांसद महेश बस्नेत, एमालेकै सांसद रामबीर मानन्धर, नेपाली काँग्रेसका राजेन्द्र केसी लगायतका अन्य सांसदहरु समयमै आफ्ना कुरा संसदसमक्ष राख्नबाट चुके । शुन्य समयमा सभामुख अग्निप्रसाद सापकोटाले समयको किटान गरेर (हरेक सांसदलाई १ मिनेट) मात्र बोल्ने अवसर दिए ।
तर सांसदहरुको विषय, प्रश्तुत गर्ने शैली शुन्य समयमा तोकिएको समयसीमा भन्दा लामो थियो । जसकारण पनि उनीहरले अपूरो वाक्य मात्रै बोल्न भ्याए । आधा विषयवस्तु बोल्दा नै उनीहरुको समय सकिएर माइकमा साउण्ड काटिएको थियो । संसदमा प्रभाव जमाएका सांसदहरु समेत संसदको शुन्य समयको परीक्षामा अनुत्तिर्ण रहे । बिहीवार प्रतिनिधि सभा बैठकको शून्य समयमा बोल्ने एमाले सांसद महेश बस्नेतले पूरा विषय बोल्न नपाउँदै एक मिनेटको समय सकिएको थियो ।
समय सकिएर माइकमा साउण्ड नआएपछि उनी मुसुक्क हाँस्दै आफ्नो आसनमा बस्न बाध्य भए । त्यस्तै शुन्य समयमा बोल्ने मायादेवी न्यौपानेले पनि बोल्दाबोल्दै समय सकिएको थियो । उनले भर्खरै उपसभामुखमा निर्वाचित पुष्पा भुसाललाई सफल कार्यकालको शुभकामना दिँदा नै एक मिनेटको समय सकिएको थियो । तर सांसद न्यौपानेले शुभकामनापछि मातृकाप्रसाद कोईराला र अर्का नेता भन्ने क्रममा नै समय सकियो । उनले पनि यो वाक्यांश नै पूरा गर्न सकिनन् ।
लगत्तै बोल्ने सांसद मिना सुब्बाले पनि एक मिनेटको समयमा कुरा राख्न सकिनन् । उनले निर्वाचन आयोगले खरिद गरेका सामग्री प्रयोग विहीन भएको विषयमा संसदमा विषय उठान गरिन् । यत्तिकैमा उनको समय सकियो । शुन्य समयमा बोलेका सांसद रामवीर मान्नधरको अवस्था पनि माथिका सांसदको भन्दा फरक थिएन । उनले श्रीमानहरुले बनाएको प्रचण्ड प्रतापी भूपतिको सरकारले एक वर्षमा कुनैपनि राम्रो काम नगरेको आरोप लगाए ।
उनले सरकारले गरेका कामको छानबिन गर्न धेरै संसदीय समिति बनेको तर काम नभएको भन्दै ती समितिलाई पनि छानबिन गर्ने संसदीय महासमिति गठन गर्नुपर्ने माग गरे । सांसद मान्नधरले गठन गरेकोे महासमितिले यस्तो निस्कर्ष निकालोस् भन्न नपाउँदै समय सकियो ।
यसरी बिहीवारको प्रतिनिधि सभाको बैठकको शुन्य समयमा बोल्ने १० जना संसदहरुले एक मिनेटको समयमा आधा मात्रै कुरा राख्न पाए । सांसदहरु आवश्यक समयमा बोल्ने विषयवस्तु तय गर्न नसक्दा समय सीमामा धेरैपटक चुकेका छन् । यी बिहिवारको प्रतिनिधि सभाका प्रतिनिधिमुलक घटना मात्रै हुन् ।
प्रतिक्रिया