आज ओमानसँग खेल्दै नेपाल

काठमाडौँ – आईसीसी क्रिकेट विश्वकप लिग–२ अन्तर्गत आज नेपालले ओमानको सामना गर्दै छ ।

अमेरिकाको टेक्सासस्थित पर्लल्याण्डमा हुने खेल नेपाली समयअनुसार बेलुका सवा ९ बजे सुरु हुनेछ । यसअघि बुधबार भएको खेलमा ओमान अमेरिकासँग ११४ रनको फराकिलो अन्तरले पराजित भएको थियो ।

लिगमा ३३ खेल खेलिसकेको ओमान ४० अंकका साथ लिगको शीर्षस्थानमा छ । नेपालले भने १२ खेलबाट १२ अंकसहित लिगको छैटौं स्थानमा छ ।

लिग सकिँदासम्म शीर्ष तीन स्थानमा रहने टोली सोझै विश्वकप छनोटको ग्लोबल क्वालिफायर्समा छानिनेछन् ।