काँग्रेसको गढमा एमाले विजयी

काठमाडौँ — नेपाली काँग्रेसको गढ मानिएको मोरङको सुनवर्षी नगरपालिकामा नेकपा एमालेले जित हासिल गरेको छ । एमालेका श्याम प्रसाद राजवशि ८ हजार ६ सय ३९ मत प्राप्त गर्दै जीत हासिल गरेका हुन । उनका निकटतम प्रतिद्वन्द्वी काँग्रेसका यज्ञ बहादुर कार्कीले ६ हजार ९ सय ५२ मत ल्याएका छन् ।

उपमेयरमा मिरा देवि दास केवरतले ८ हजार ३ सय ८३ मतसहित विजयी भएका हुन । काँग्रेसकी विमला विमला देवि केवरतले ७ हजार ४ सय २७ मत ल्याएकी छन् ।सुनवर्सिमा अघिल्लो चुनावमा मेयर उपमेयरनै काँग्रेसले जितेको थियो । पूर्वप्रधानमन्त्री गिरिजा प्रसाद कोइरालाको पकट मानिएको यस पालिकामा पहिलो पटक एमालेले जितेको हो ।