हारको बदला लिने योजनासहित नेपाल जिम्बावेविरुद्ध मैदानमा उत्रदै

काठमाडौँ – नेपाली राष्ट्रिय क्रिकेट टिमले दोस्रो टी–ट्वान्टी अन्तर्गत आज जिम्बावे ’ए’ विरुद्ध प्रतिष्धर्पा गर्दै छ । नेपाल र जिम्बावे ’ए’ बीचको खेल टियु क्रिकेट मैदानमा दिउँसो १ बजे सुरु हुनेछ ।

नेपाल जिम्बावेविरुद्ध पहिलो खेलमा व्यहोरेको हारको बदला लिन चाहन्छ । हिजो भएको पहिलो खेलमा जिम्बावेसँग नेपाल ६ विकेटले पराजित भएको थियो ।

आईसीसी पुरुष क्रिकेट विश्वकप लिग टु अन्तर्गत अमेरिकामा हुने त्रिकोणात्मक एकदिवसीय सिरिजको तयारी स्वरूप नेपालले जिम्बावे ’ए’ सँग सिरिज खेलिरहेको हो ।

सिरिज अन्तर्गत नेपालले पाहुना टोलीसँग तेस्रो खेल बुधबार खेल्नेछ । टी–ट्वान्टी सिरिजपछि नेपालले तीन खेलको एकदिवसीय सिरिज पनि खेल्नेछ ।