काठमाडौँ – नेकपा माओवादी केन्द्रबाट सोलुखुम्बुको लिखुपिके गाउँपालिकाको अध्यक्षमा डम्बरबहादुर बस्नेत(शान्त) र उपाध्यक्षमा प्रमिला बस्नेतले मनोनयन दर्ता गरेका छन् ।
गत स्थानीय तहको निर्वाचनमा माओवादी केन्द्रबाट अध्यक्षमा डम्बरबहादुर र उपाध्यक्षमा प्रमिला अत्याधिक मतले विजयी भएका थिए ।
आगामी वैशाख ३० गते हुने स्थानीय तहको निर्वाचनमा पनि माओवादीले लिखुपिकेमा पुरानै दुई अनुहारलाई दोहो¥याउन माग भएपछि अन्य आकांक्षीलाई थमथमाएर टिकट व्यवस्थापन गरिएको हो ।
माओवादी केन्द्रबाट लिखुपिके गाउँपालिकाको वडा नं. १ को अध्यक्षमा छिरी शेर्पाले मनोनयन दर्ता गरेका छन् । २ मा सम्मसेर तामाङ, ३ गोवद्र्धन बस्नेत, ४ कमल बस्नेत, ५ मा जेनी शेर्पाले मनोनयन दर्ता गरेका छन् । सोमबार नेता तथा कार्यकर्तासहित निर्वाचन अधिकृतको कार्यालयमा पुगेर उनीहरूले मनोनयन दर्ता गरेका हुन् ।
प्रतिक्रिया